Juventusi do të tentojë ta rimarrë kreun e tabelës së Serisë A – të paktën deri në mbrëmje, kur luan Interi kundër Napolit – me një barazim ose fitore në ndeshjen kundër Cagliarit, të vlefshme për xhiron e 18-të të Serisë A.
Sot në orën 15:00, Juventusi i drejtuar nga Maurizio Sarri do ta presë në stadiumin Allianz skuadrën e Cagliarit, që i ka humbur dy ndeshjet e fundit të Serisë A dhe tani radhitet në pozitën e gjashtë në tabelë.
Këto dy humbje të fundit ia kanë dëmtuar pozitën Cagliarit, që e kishte nisur sezonin në mënyrë mbresëlënëse, me tetë fitore, pesë barazime dhe dy humbje.
Në anën tjetër, Juventusi i ka pësuar vetëm dy humbje këtë sezon, të dyja me rezultat 3:1 kundër Lazios. Megjithatë, ata do të kërkojnë fitore sot, pasi që gjashtë ndeshjet e fundit kundër Cagliarit ka arritur t’i fitojë, ndërsa e ka humbur këtë ndeshje vetëm një herë në këtë shekull.
LIVE/ Juventus Cagliari 4-0
MINUTA 82/ Juventus shënon golin e katërt falë Cristiano Ronaldos.
MINUTA 81/ Juventus thellon shifrat me golin e shënuar nga Gonzalo Higuain.
MINUTA 67/ Juventus dyfishon shifrat me golin e shënuar nga Cristiano Ronaldo.
MINUTA 49/ Juventus kalon në avantazh me golin e shënuar nga Cristiano Ronaldo.
MINUTA 46/ Nis pjesa e dytë
***
Mbyllet pjesa e parë me porta të paprekura
MINUTA 1/ Nis sfida