Merkatoja e Milanit duket mjaft intensive, sidomos sa i përket largimeve, ku spekulimet janë të shumta. Lojtari më i përmendur si një largim i mundshëm është padyshim Piatek, i cili me ardhjen e Ibrahimovic do të ketë më pak hapësira në formacion.
Drejtuesit kuqezi kanë vendosur edhe që ta nxjerrin në shitje sulmuesin, me ofertat e para që kanë mbërritur për të. Aston Villa, West Ham dhe Newcastle, por jo vetëm. Së fundmi, “The Guardian” shkruan se në garë është futur edhe Tottenham i Jose Mourinhos.
Gjelat e Londrës janë të gatshëm të ofrojnë deri në 35 milionë euro, që është edhe shuma që kërkon Milan për të liruar Piatek. Tashmë, mbetet për t’u parë se sa i vërtetë është ky spekulim dhe se sa do të konkretizohet, me Piatek që duket gjithnjë e më larg “San Siros”.
