Interi ka mbyllur blerjen e Oliver Giroud dhe pritet vetëm zyrtarizimi dhe më pas vizitat mjekësore. Chelsea fillimisht kërkoi 8 mln euro për francezin të cilit i skadonte kontrata, por Interi ishte ndalur te 5 mln euro dhe bonuse që janë vështirë të arritshme (1.5 mln euro). Kështu, Chelsea ka pranuar dhe Ausilio ka udhëtuar drejt Londrës për të mbyllur gjithçka dhe sjellë në Itali sulmuesin e Francës.
Kontrata për Giroud do të jetë 1+2. Praktikisht, deri në verë, Giroud do të fitojë 4 mln euro, më pas 4 mln euro për sezon në dy sezone të tjera. Në total 12 mln euro për francezin, me firmë deri në qershor 2022.
