Mes disa emrave të merkatos, të cilat përfliten si përforcimet e mundshme, një lajm ka mbërritur nga Spanjë. ‘El Chiringuito’ ka zbuluar se Konte ka kërkuar të transferohet në Milano, Garet Bejl. Interi mund të përfitojë nga marrëdhënia e ngrirë e trajnerit Zidan me uellsianin, ndërkohë që për momentin Bejl nuk ka shumë opsione për të zgjedhur.
Në këtë formë, Interi mund të mbërrijë te sulmuesi lehtësisht, teksa klubi i Realit i ka ulur pretendimet për Bejl, mjafton që lojtari të largohet nga ‘Santiago Bernabeu’.Ndërkaq, mbetet për t’u kuptuar dëshira e vetë sulmuesit, nëse do të ishte i gatshëm pas kampionatit anglez dhe atij spanjoll të provonte një aventurë edhe në Itali.
