Një shprehje popullore thotë: Kur të vjen e keqja, hapi derën. Kjo duket po ndodh edhe te Partizani në këtë moment. Sikur mos të mjaftonin humbjet radhazi, në prag të ndeshjes me Luftëtarin te kampionat shqetëson edhe gjendja e kapitenit Alban Hoxha.
Portieri nuk u grumbullua për Besëlidhjen, por as dje nuk u stërvit me grupin. Hoxha ishte prezent dje në ambientin stërvitor, por nuk u zhvesh.
Mësohet se portieri ka pasur një lëndim në kofshë ndaj Kukësit dhe po ndjek një terapi riaftësuese. Sot pritet që kapiteni të kryejë një eko për të vendosur nëse do të jetë i gatshëm për Luftëtarin. Për momentin, Alban Hoxha është në dyshim për transfertën e Gjirokastrës.
