Fabio Borini u zyrtarizua te Verona nga Milani, teksa mbylli aventurën kuqezi pas thuajse 3 vitesh! Sulmuesi italian i ka dedikuar një letër klubit të Milanit, tifozëve dhe shokëve të ekipit.
“Krenari, pasion, djersë, vuajtje, lumturi! Kam dhënë gjithçka për këto ngjyra dhe këtë klub të lavdishëm! Të jap gjithçka do të thotë të luaj edhe në role jo të miat, në kushte fizike jo optimale dhe pa zhvlerësuar fanelën që mbaja veshur! Një aventurë e mrekullueshme mbaroi dhe më pret një sfidë e re dhe mezi pres ta fitoj!”.
“Doja të falënderoja edhe shokët e mi (ku kam gjetur edhe miq), klubin, stafin teknik dhe, në fund, tifozët që më kanë mbështetur në të mirë dhe në të keq… FALEMINDERIT”.
