Xherdan Shaqiri në “radarët” e Romës. Klubi italian kërkon të përforcohet pas lëndimit që pësoi Zaniolo dhe objektivi i verdhekuqve është mesfushori shqiptar i Liverpoolit, i cili përfaqëson Zvicrën në rang kombëtaresh.
Përkundër vendimit të prerë të trajnerit Jurgen Klopp, për të mos lejuar largimin e asnjë futbollisti nga Liverpooli, Roma duket se e ka marrë shumë seriozisht blerjen e Shaqirit.
Në fakt, Shaqiri nuk është shqiptari i vetëm që pëlqehet nga drejtuesit verdhekuq. Orët e fundit ka dalë në skenë edhe emri i Adnan Januzajt, ish-futbollist i Manchester United, që po tregon nivel të lartë te Real Sociedadi në Spanjë.
