Chelsea është duke ndjekur situatën e sulmuesi Krzysztof Piatek, sipas “The Telegraph”. Blutë e Londrës po përpiqen të marrin Edinson Cavani nga PSG, por kanë identifikuar edhe polakun e kuqezinjve si një mundësi alternative. Një tjetër klubi londinez, Tottenham, është i interesuar për shërbimet e Piatek, ta marrë atë në formë huazimi, meqë është dëmtuar Harry Kane.
Po ashtu, Manchester United ka qenë i lidhur me një transferim të polakut. Më këmbëngulës duket se është Chelsea, i cili nuk ka hequr dorë ende nga nënshkrimi i Cavani, këtë javë. Megjithatë, Lampard është i vetëdijshëm që preferenca e sulmuesit uruguajan është transferimi tek Atlético Madrid, ndërkohë që paga e 32-vjeçarit është mjaft e shtrenjtë.
PSG ka kërkuar 12.6 milionë euro për Cavani, i cili mbetet zgjedhja e parë e Frank Lampard për sulmin e bluve. Paralelisht, një sy po mbahet nga alternativa për Cavani. Dhe Piatek i Milanit është një nga sulmuesit, që pëlqehet shumë. Njërin prej tyre, Chelsea shpreson ta transferojë në Premier League, këtë javë.
