Liverpool mesa duket është duke planifikuar një blerje të madhe. Sipas spanjolles Mundo Deportivo dhe disa burimeve gjermane, kampionët e Champions League janë gati të ofrojnë 125 milionë euro për Kai Havertz gjatë verës.
Kjo do të ishte një shifër rekord e The Reds. Deri tani titullin e blerjes më të shtrenjtë e mban Virgil van Dijk, i cili u ble për rreth 85 milionë euro nga Southampton.
Kontrata e Haverts te Bayer Leverkusen skadon në vitin 2022. Pas paraqitjeve mbresëlënëse sezonin e kaluar, ku në 42 ndeshje shënoi 20 gola, 20-vjeçari ka tërhequr vëmendjen e shumë klubeve europiane, ndër të tjera dhe Bayern Munich.
Klopp ka thënë se do të bënte vetëm blerje të studiuara, dhe thuhet të jetë bindur nga potenciali i madh i Havertz.
