Real Madrid dyshohet se i ka paguar ish-sulmuesit, Ronaldo Nazario një pagë prej 1 milion € në vit por pa kontratë, sipas disa dokumenteve të shpërndara nga gazeta “Der Spiegel”.
Braziliani punon si ambasador i klubit së bashku me ish-legjendat e klubit Roberto Karlos dhe Raul Gonzalez, të cilët paguhen të gjithë me pagë vjetore. Por Ronaldo nuk ka një kontratë konkrete, që do të thotë se ai po fsheh të ardhurat për të shmangur detyrimet tatimore të cilat janë vërtet të larta.
Pas publikimit të këtij raporti nuk është bërë me dije nëse do të ketë ndonjë hetim zyrtar, por ky nuk është një lajm aspak i mirë për dy herë fituesin e “Topit të Artë”. Ronaldo shënoi 104 gola në 177 paraqitje për “Los Blankos” nga 2002 deri në vitin 2007. Ish-sulmuesi aktualisht është pronar i klubit tjetër La Liga, Real Vajadoid, ku ai zotëron 82 përqind të aksioneve të klubit pas blerjes së tij në 2018.
