Ish-sulmuesi i Juventusit, Lacios, Real Sociedadit, Olimpiakosit dhe ish-kombëtares së Jugosllavisë është plagosur në gju në periferi të Athinës teksa po parkonte makinën e tij.
46-vjeçari raportoi pas ngjarjes se një person i armatosur me armë zjarri doli nga një automjet dhe qëlloi në drejtim dhe më pas u largua me shpejtësi. Forcat e policisë greke gjetën makinën e agresorit të djegur dhe të braktisur 700 m nga vendi i ngjarjes.
“Pashë një person që doli me armë nga makina. Ai u hodh në krahun e djathtë dhe u dëgjua një e shtënë, më pas u largua me makinë dhe u zhduk”, rrëfen Kovaçeviç.
Policia helene po punon për zbardhjen e plotë të kësaj ngjarjeje.
Kovaçeviç luajti për Juventuesin në vitet 1999-2001 duke fituar me bardhezinjtë Kupën Intertoto, por formën më të mirë e arriti me Real Sociedadin dhe Olimpiakosin, ku me këta të fundit fitoi 2 kampionate.
Ai përfaqësoi ish-kombëtaren e Jugosllavisë në Kupën e Botës 1998 dhe kampionatin europian të vitit 2000.