Jurgen Klopp mendon se Curtis Jones mund të bëhet ylli më i ri i Liverpool pas golit të mrekullueshëm të adoleshentit që vendosi ndeshjen e FA Cup ndaj Everton.
Klopp bëri nëntë ndryshime në formacionin e tij, duke u dhënë një mundësi të madhe adoleshentëve të cilët nuk zhgënjyen.
“Jones? Një lojtar i pabesueshëm. Ai ka një vetëbesim të madh dhe po pret me padurim të luajë në ekipin e parë, dhe ai do të jetë një lojtar i Liverpool-it nëse nuk ndodh ndonjë çudi, 100%.
Nuk jam i befasuar nga goli që shënoi, ndonjëherë edhe ne në stërvitje harrojmë që është vetëm 18 vjeç.
Lojtarët e mi bënë një ndeshje të guximshme, një paraqitje e madhe nga të gjithë. E vetmja gjë që nuk doja ishte barazimi.”
