Panama City hedh kandidaturën për të organizuar një garë të Formula 1 në të ardhmen. Lajmin e ka konfirmuar e përditshmja panameze “Il Diario”, sipas së cilës qeveria e këtij vendi ka nisur bisedimet me Liberty Media, pronarët e Formula 1.
Qeveria e Panamasë ka nisur kontaktet edhe me një studio ligjore që është e specializuar në këtë fushë, duke studiuar terrenin për të bërë të mundur zhvillimin e një gare të Formula 1 në këtë shtet në të ardhmen.
Kjo nismë ka shumë shanse që të konkretizohet në të ardhmen, duke parë strategjinë e Liberty Media për të rritur numrin e garave dhe ndërtuar pista të reja në botë. Këtë vit, në kalendar do të hyjnë dy pista të reja, në Holandë dhe Vietnam, duke e çuar në 22 numrin e garave sezonale. Objektivi i Formula 1 është numri rekord i 25 garave në sezon në mesin e këtij 10-vjeçari që sapo ka nisur.
