Barceloan është e dashuruar pas Lautaro Martinezit dhe e duan me patjetër në merkaton e verës. Argjentinasi shihet si sulmuesi ideal për të zëvendësuar në ekip Luis Suarezin. 22-vjeçari pëlqehet dhe nga kapiteni Lionel Messi dhe ky është një plus i madh.
Interi nuk do ta humbasë, por klauzola e lirimit prej 111 milionë eurosh mund të lejojë lojtarin të largohet. “Demi” do të kalojë në Camp Nou dhe me të gjitha situatat kundër, Interi ka menduar një kundërofertë për katalanasit.
Ata janë të qartë, Antonio Conte do shkëmbimin e 22-vjeçarit me Antonie Griezmann. Kampioni i botës nuk ka shkëlqyer në Camp Nou dhe nuk është i lumtur. Drejtuesit e Barçës do të ishin dakord, Interi po ashtu. Një lëvizje e tillë merr një dritë jeshile.
