Milani humbi mbrëmjen e djeshme në derbi ndaj Interit me përmbysje. Kuqezinjtë dhe pse kishin avantazhin e dy golave, në pjesën e dytë u “fikën” dhe pësuan 4 herë nga zikaltrit. Pas sfidës, për mediat ka folur Stefano Pioli, i cili shprehet se kjo ndeshje u humb në nivel mental.
“Është një ndeshje e humbur në nivel mental, ne duhej të ishim të kujdesshëm në situata të caktuara. Interi është më me përvojë se ne. Unë jam i zemëruar me lojtarët e mi sepse, sapo hoqëm dorë në një moment, ne paguam për të. Në pjesën e parë vumë poshtë një kundërshtar që ka 19 pikë më shumë se ne, ishte ndeshja më e mirë e sezonit. Duhej të ishim më të kujdesshëm në fazën mbrojtëse dhe të respektonim detyrat”, shprehet Pioli.
Më tej ai shton: “Kemi bërë një lojë të shkëlqyer për disa momente, por është e vështirë ta thuash tani, sepse kemi humbur keq në pjesën e dytë. Ne kemi treguar se kemi cilësi për të bërë këtë ndeshje. Unë jam i bindur për cilësinë e ekipit tim, por ne nuk mund mund të linim të lirë Brozoviçin. Interi më pas mori besim dhe loja ndryshoi plotësisht edhe në nivel mendor”, përfundon Pioli.