Suksesi i dytë radhazi i Evertonit në Premier Ligë dhe skuadra e Ançelotit shkon në pushimet dimërore me një renditje që nuk e imagjinonte dy muaj më parë, 5 pikë larg vendit të katërt.
Fitorja 3-1 ndaj Kristal Palasit erdhi falë golave të Bernard 18′, Riçarlison 58′ dhe Kalvert-Ljuin në 88′, ndërsa për londinezët shënoi Benteke në 51′ pas një gabimi të Pikfordit. Momente komike në “Goodison Park”, kur në mesin e pjesës së parë Ançeloti vendosi të zëvendësojë të dëmtuarin Uollkot me Sidiben.
Por në momentin që po bëhej gati të hynte në fushë, 27-vjeçari vuri re se i mungonte çorapja e këmbës së majtë. Trajneri italian reagoi me nervozizëm ndaj pakujdesisë së lojtarit të tij, i cili shkoi në dhomat e zhveshjes për të korrigjuar gabimin.
First time I have seen a player to forget putting his sock on when he is about to come on. It happened to @Everton player Dijbril Sidibe yesterday. pic.twitter.com/IABt3LECfX
— Frank Khalid (@FrankKhalidUK) February 9, 2020
