Futbollisti i Barcelonës, i cili është huazuar te Bajern Mynih, Filip Kutinjo mund të transferohet me parametra të plotë në verë.
Sipas mediave spanjolle dhe italiane, bavarezët nuk pajtohen me çmimin që katalanasit i kanë vendosur brazilianit prej 120 milionë € për ta shitur. Megjithatë, Barcelona është e gatshme të zbresë koston e Kutinjos në 80-90 milionë € në mënyrë që të kenë mundësi ta shesin gjatë merkatos verore. Mendohet se PSG-ja, Liverpuli, Arsenali, por edhe Juventusi janë të gatshme të shpenzojnë një shifër të madhe për të blerë mesfushorin me tipare sulmuese.
Nëse Juventusi do të sakrifikojë Dibalën dhe Higuainin në verë, atëherë u krijohet mundësia të investojnë për të blerë Kutinjon. Por, deri në përfundim të sezonit, e ardhmja e Kutinjos mbetet akoma e pavendosur.