Angazhimi i Leo Messit në radhët azulgrana, pa dyshim ka qenë vendimtar, kështu që Barça aspiron, në klasiken 180-të të La Liga-s, ta tejkalojë për herë të parë në historinë e “El Clasico” Real Madridin në numër fitoresh, në garën vendase. Dhe numrat e kapitenit të Barcelonës në kampionat, kundër Real Madridit, janë qartësisht në favor të skuadrës katalanase. Messi ka luajtur 26 klasike të La Liga-s, që nga debutimi i tij në këtë përplasje të ethshme mes dy gjigantëve spanjollë, më 19 nëntor 2005, në “Bernabéu”.
Atë natë magjike u vulos rezultati 0-3, pas paraqitjes së jashtëzakonshme të Ronaldinho, i cili u duartrokit gjatë. Që atëherë, gjashtë herë fituesi i “Topit të Artë” ka një bilanc mjaft pozitiv ndaj “Los Blancos”: 14 fitore, 6 barazimeve dhe 6 humbje. Në këtë periudhë, ylli argjentinas ka shënuar 18 gola në portën e mbretërorëve madrilenë, përgjatë 2.263 minutave lojë në total. Pra, mesatarja e tij e fitoreve ndaj Real Madridit është 53%, ose 0.69 gola për ndeshje. Seria më e mirë fituese e tij në “El Clasico” ishte midis 13 dhjetorit 2008 (2-0) dhe 29 nëntorit 2010 (5-0): 5 fitore radhazi (4 gola).
Seria më e mirë për humbje vazhdoi me dy klasiket e ardhshme (një barazim dhe një fitore). Messi nuk e njohu përsëri humbjen radhazi në La Liga, kundër Real Madridit, deri më 21 prill 2012 (1-2) në “Camp Nou”. Messi aktualisht ka gjashtë klasike radhazi pa humbur (tri barazime dhe tri fitore), çka përputhet me ecurinë e tij më të mirë (dhjetor 2008 deri në dhjetor 2011, pa humbur). Argjentinasi e përjetoi humbjen e fundit në prill 2016 (1-2, në stadiumin e Barçës).
