Rei Manaj po kalon momentet më të mira në karrierën e tij futbollistike, teksa po stërvitet krahë lojtarëve më të mirë në botë, tek Barcelona.
22 vjeçar u transferua në merkaton e fundit nga Albacete te Barcelona B, ndërkohë që prej disa kohësh është duke u stërvitur me ekipin e parë.
Tashmë Manaj shpreson që të marrë debutimin me ekipin e parë, pasi më parë u thirr në ndeshjen me Getafen, por qëndroi në stolin e rezervave. Sulmuesi lushnjar ka një marrëdhënie shumë të mirë me lojtarët e tjetër të Barcelonës, teksa kjo duket edhe në stërvitje ku shihet gjithmonë duke qeshur.
Së fundmi ka qenë mesfushori Ivan Rakitic, i cili ka postuar një foto me Manajn në “Twitter”, të cilën e shoqëron me shkrimin “Hajde vëlla”.
Ajde brate 😂👍 pic.twitter.com/WALuOc4uq1
— Ivan Rakitic (@ivanrakitic) February 20, 2020
