Futboll Kategoria Superiore Sport

INCIDENTET GJATË DERBIT NË “AIR ALBANIA”/ Policia arreston 2 tifozë, në kërkim 11 persona të tjerë

As ndeshja derbi i kryeqytetit mes Tiranës dhe Partizanit nuk ka kaluar pa incidente në stadiumin “Air Albania”.

Policia e Tiranës ka njoftuar para pak minutash se ka arrestuar dy tifozë, për shkak të shkatërrimit të pronës, prishje të rendit e qetësisë dhe hedhjes së sendeve të forta në fushë.

Gjithashtu janë proceduar në gjendje të lirë edhe 11 persona të tjer, për veprat penale “Veprime të dhunshme në aktivitetet sportive” dhe “Shkatërrimi i pronës”

Njoftimi i policisë:

11 të proceduar, ndër ta dy të arrestuar për shkatërrim të pronës, prishje të rendit e qetësisë dhe hedhje të sendeve të forta në fushë, gjatë zhvillimit të ndeshjes së futbollit midis ekipit të Tiranës dhe Partizanit, në stadiumin “Air Albania”.

Më datë 28.02.2020, në orën 19:00, në stadiumin “Air Albania” u zhvillua ndeshja e futbollit ndërmjet skuadrave të Tiranës dhe Partizanit. Gjatë zhvillimit të ndeshjes së futbollit janë kryer veprime të dhunshme nga tifozët, janë hedhur sendet të forta në fushën e lojës, janë dëmtuar stolat, si dhe janë futur në fushën e lojës gjatë zhvillimit të ndeshjes.

Pas veprimeve të shpejta hetimore të kryera nga ana e Seksionit për Hetimin e Krimit në Komisariatin e Policisë Nr. 1 Tiranë, janë identifikuar dhe arrestuar në flagrancë dy tifozë, për veprat penale “Veprime të dhunshme në aktivitetet sportive” dhe “Shkatërrimi i pronës”, konkretisht: A.M., 24 vjeç dhe M.U, 27 vjeç, të dy banues në Tiranë.

Gjithashtu u proceduan në gjendje të lirë për veprën penale “Shkatërrim prone” dhe 9 tifozë të tjerë, konkretisht shtetasit: M.H, A.P, G.M, L.T, A.M, A.O, K.R, R.J dhe K.M Vijon puna për kapjen e personave të shpallur në kërkim dhe identifikimin e personave të tjerë të përfshirë në këto veprime të kundërligjshme.

Materialet hetimore do t’i referohen Prokurorisë Pranë Gjykatës së Shkallës së Parë Tiranë, për veprime të mëtejshme.

Related posts

Ronaldo: Barcelona “shumë e keqe” për brazilianët

Q.Autor

I INFEKTUAR ME KORONAVIRUS/ Marotta përfundon në spital prej COVID-it, ja si është gjendja e tij…

Delo.autor

SHOKOHET REALI/ Sociedad e turpëron duke i shënuar golin e katërt (VIDEO)

F.autor

Leave a Comment