Alex Telles luajti për një vit tek Inter si i huazuar, por zikaltrit nuk u bindën për ta blerë kartonin e tij, kështu që braziliani u rikthye te Galatasaray, ndërsa më pas u bashkua me Porton, ku vijon të jetë pjesë e portugezëve.
Pavarësisht se Interi e largoi si dështak, performancat e Telles janë përmirësuar nga viti në vit dhe tashmë 27-vjeçari vlen të paktën 40 milionë euro. Ai është një ndër më të rëndësishmit te Porto dhe mbrëmjen e kaluar ka shënuar një perlë të vërtetë.
Në minutën e 87-të, Telles i ka dhënë fitoren Portos, teksa ka bombarduar portën me një goditje të fortë, duke mos i dhënë asnjë shans portierit të Portimonenses. Me siguri, Inter është penduar shumë tashmë.
