I buzëqeshur si në çdo përballje me mediat dhe me batutat e tij pikante. Kjo është konferenca e Jyrgen Klopit përpara ndeshjes me Atletikon e Madridit, ku ai rikthehet në “Ëanda Metropolitano”, stadiumin ku ngriti Champions-it vitin e shkuar.
“Njerëzit thonë se unë jam emocional, por nëse unë jam niveli katër, atëherë Diego është niveli 12. Unë jam polici i kopshtit krahasuar me të”, thotë tekniku i Liverpulit, që më pas e vlerëson Atletikon si një prej skuadrave më të vështira për lojtarët e tij: “Të luash kundër Atletikos është një prej gjërave më të vështira në jetën e një futbollisti.
Ata janë një skuadër shumë e mirorganizuar, një makineri e vajisur që tenton të të shtypë. Ata nuk janë aq dobët sa thonë njerëzit dhe kanë një shans nesër (sot). Por ata nuk kanë luajtur kundër një skuadre si e jona. Nuk duhet ta harrojmë këtë. Ne jemi gjithashtu të organizuar, luajmë futboll dhe kemi aspekt të ndryshme të lojës.
A ndiejmë presionin e favoritëve? Ne nuk ndihemi si fituesit e Ligës së Kampioneve të sezonit të shkuar, ne jemi një nga kandidatët për ta fituar sërish këtë vit. Duam të jemi në Stamboll. Unë e dashuroj presionin. Nuk më pëlqen ta largoj atë. Por nëse flasim për presion, PSG është favoritja e madhe, kështu që po e lëmë për ata”.