Barcelona duket se kërkon ta largojë me çdo kusht në verë Philippe Coutinhon. Braziliani është aktualisht i huazuar te Bayern Munchen, por sipas gjasave gjermanët nuk do ta blernë kartonin e fantazistit.
Destinacion i ardhshëm pritet të jetë Premier League për Coutinhon dhe sipas mediave spanjolle, Barcelona do të ulë pretendimet e saj nga 130 milionë euro që kërkonte për brazilianin në 80-90 milionë euro.
Liverpool dhe Chelsea janë dy ekipet më të interesuara për shërbimet e Coutinhos. Gjithsesi, diçka duket e sigurt, brazilianin nuk do e shohim as në Mynih dhe as në Barcelonë sezonin e ardhshëm.
