Kukësi do të përballet me Laçin ditën e sotme, në ndeshjen e cila zhvillohet në stadiumin “Elbasan Arena”.
Pritet të jetë një ndeshje e luftuar nga të dyja ekipet, kjo edhe për shkak të formës së mirë që kanë treguar këtë sezon. Të dyja ekipet do të kërkojnë të marrin maksimumin nga kjo sfidë, me shpresën që do të dalim me tri pikë nga fusha e blertë.
Të besuarit e Duros, kanë edhe presionin në krahun e tyre, kjo edhe për shkak të fitores së Tiranës ditën e djeshme ndaj Vllaznisë. Objektivi i verilindorëve është titulli kampion dhe për të mbërritur aty iu duhen sa më shumë pikë.
Megjithatë nuk do të jetë asapk e lehtë, duke ditur se trajner i Laçit është Armando Cungu, i cili gjithmonë i ka surprizuar ekipet e mëdha.
Kukësi: Xhika, Maliki, Teqja, Obanor, Musta, Musolli, Limaj, Ethemi, Gavazaj, Abazaj, Shkurtaj. Trajner: Shpëtim Duro
Laçi: Stazhilla, Fangaj, Ignjatoviç, Gjoni, Rapo, Shehu, Deliu, Lushkja, Greca, Xhixha, Nuabueze. Trajner: Armando Cungu.
