U luajtën ditën e sotme, takimet e kthimit të vlefshme për fazën e 1/8-ve të Kupës së Shqipërisë. Nuk mund të mungonin surprizat. Teksa në Grupin A, Partizani nuk ia ka dalë të përmbysë Besëlidhjan. Pavarësisht triumfit 3-1 në sfidën e sotme, skuadra e Sormanit është eliminuar, për shkak të humbjes 3-0 në sfidën e parë.
Një kualifikim mjaft emocionues edhe për Vllazninë, që arriti të triumfonte ndaj Flamurtarit me rezultatin 0-2. Sfida e parë u mbyll në barazim 2-2, ndërkohë në takimin e kthimit kanë triumfuar shkodrënët.
Në 2 sfidat e tjera, Teuta dhe Tirana nuk kanë falur, duke triumfuar edhe në sfidat e kthimit, teksa kanë kaluar në turin çerekfinal pa shumë vështirësi.
Rezultatet:
Partizani-Besëlidhja (0-3) 3-1
Telushi 9′, 20 (p), 84’/ Hajdari 5′
Teuta-Erzeni (3-1) 2-1
Hoxha 47′, Kalaja 75′ (p) / Xhixhua 8′
Flamurtari-Vllaznia (2-2) 0-2
Silvio Rodrigez Zhunior 28′ (p), 74′
Tirana-Kastrioti (3-1) 4-0
Halili 13′, Beshiraj 19′, Morina 62′, Kraja 78′
*Në kllapa janë rezultatet e ndeshjeve të para