Bylisi dhe Flamurtari do të përballen mes tyre ditën e sotme në stadiumin “Adush Muça”, në ndeshjen e vlefshme për javën e 24-t në Kategorinë Superiore.
Një ndeshje ku të dyja ekipet nuk vijnë me një seri pozitive të rezultateve, me Bylisin që nuk njeh fitore në kampionat prej 6 ndeshjesh, por në dy ndeshjet e fundit ka marrë dy barazime shumë të rëndësishme ndaj dy skuadrave për titull siç janë Kukësi dhe Partizani.
Flamurtari vjen pas humbjes me Laçin në shtëpi dhe do të kërkojnë të përsërisin edhe njëherë ndeshjen me Luftëtarin, ku morën edhe fitoren e parë për këtë kampionat. Pritet një ndeshje e bukur, për shkak të lojës së hapur që bëjnë dy ekipet, me ballshiotët që janë favoritë për ta fituar ndeshjen e sotme.
LIVE/ Bylis – Flamurtari 0-0
Komenti live:
45′ 5 minuta shtesë akordohen, për shkak të ndalesave që ndodhën gjatë lojës.
39’ Çfarë rasti për Guindo, i cili pas një pasimi perfekt të marrë shfaqet përballë me portierin, por gabon në momentin e fundit, duke e përplasur topin në trupin e kundërshtarit.
34’ Mundësi e artë shënimi për Bylisin, të cilët fitojnë një penallti. Por nga pika e bardhë e 11-metërshit tregohet i pa saktë Isli Hidi, i cili godet tranversën.
33′ Futet Haruni në vendin e Ramos që u nis në drejtim të spitalit.
28’ Përplasje e frikshme mes Goxha dhe Ramos, me të dy lojtarët që në një dyluftim për top në ajër kanë pasur një përplasje. Kanë marrë goditje të rëndë, teksa janë transportuar me autoambulancë drejt spitalit.
25′ Rrezikon Mocone, i cili kërkon të surprizojë portierin Moçka me një gjuajtje nga goditje dënimi, por është i vëmendshëm portieri i vlonjatëve.
20’ Pranë golit Flamurtari! Ribaj gjuan bukur me kokë pas një krosimi perfekt të marrë nga krahu i majtë, pot topi shkon jashtë kuadratit të portës ballshiote.
18’ Provon sërish Bylisi me Mocone këtë herë, i cili humbet ekuilibrin në zonën kundërshtare ku pretendon edhe për një 11-metërsh.
14’ Mundësi e artë shënimi për Bylisin me Bajramaj, i cili i gjendur përballë portierit gjuan lehtë dhe Moçka ndalon gjithçka.
10’ Murataj dërgon një top të rrezikshëm në zonën e rreptësisë, por del Moçka aty dhe mbyll gjithçka. Sfidë e qetë deri në këto momente.
5′ provon Bylisi me Mocone, i cili godet një top me kokë, por ndalet nga mbrojtja vlonjate.
2’ Rrezikon Flamurtari me Ramos, teksa ky i fundit provon me një gjuajtje , por topi shkon jashtë.
Ka nisur sfida!
