Kampioni i botës në Moto GP, Marc Marquez, ka rinovuar deri në vitin 2024 kontratën me motorin japonez Honda. Palët kanë zyrtarizuar sot marrëveshjen. Kontrata e pilotit spanjoll skadonte në fund të këtij sezoni, por ai do të vijojë bashkëpunimin me Honda edhe për 4 vitet në vazhdim.
“Jemi të lumtur që Marc do të qëndrojë me ne. Ai është dhe do të mbetet pjesë e familjes Honda. Kemi disa muaj që bisedojmë për rinovimin dhe gjetëm gjuhën e përbashkët për të vijuar edhe më tej së bashku”, tha Nomura, presidenti i Honda.
Marc Marquez e ka nisur karrierën në Moto GP në vitin 2013 me Honda, duke fituar 6 tituj kampionë në total. “Jam krenar për këtë marrëveshje të re me Honda. Falë kësaj kontratë të re jam më i qetë dhe mund të vazhdoj garën për të arritur objektivat e mi”, tha Marquez.
“I am very proud to announce my renewal with HRC for the next four years. Honda gave me the opportunity to arrive in the MotoGP class with a factory bike in 2013. HRC gives me the confidence to extend this partnership to obtain our common goal and continue our story of success.” pic.twitter.com/0C407PiMY5
— Repsol Honda Team (@HRC_MotoGP) February 20, 2020
