Gjigantët gjermanë e bëjnë yllin e Brazilit, Roberto Firmino, objektivin kryesor të merkatos verore. Bayern Munich po “komploton” me sulmuesin e Liverpool, kampion i Europës në fuqi, duke i ofruar një pagë të majme, sipas “The Sun”. Kampionët e Bundesligës janë të bindur në potencialin e madh të ish-lojtarit të Hoffenheim.
Me të, ata synojnë të përforcohen në sulm për sezonin e ardhshëm. “Reds” thuhet se e vlerësojnë Firmino me rreth 75 milionë £ (97 milionë dollarë). “Trashëgimia” e këtij futbollisti në Gjermani është vërtet mbresëlënëse. Ai shënoi 38 gola në 140 ndeshje të luajtura për Hoffenheim, gjatë viteve 2011-2015, para se të kalonte në “Anfield”.
