Në ndeshjen e pestë të tij në kampionat, më në fund, pistoleta polake, Piatek, ka djegur barutin dhe ka lëshuar “plumbin” që pritej nga tifozët e Hertha Berlin. Ish-sulmuesi i Milanit, që deri tani kishte shënuar vetëm një gol me Hertha në Kupën e Gjermanisë, e ka bërë edhe në Bundesliga, duke fiksuar shifrat 3-3 në transfertën ndaj Fortuna Dusseldforf.
Sulmuesi ka fituar penalltinë dhe më pas e ka realizuar, këtë herë duke marrë topin nga rrjeta për ta vendosur në mesin e fushës dhe duke bërë festim më të përmbajtur. Piatek u ble nga Hertha Berlin në merkaton e janarit për thuajse 28 mln euro.
