Përveç zhgënjimit nga barazimi në kampionat kundër Ulvëruemptonit me rezultatin 0-0, tifozët e Mançester Junajtid përkujtuan viktimat e tragjedisë së Mynihut.
Përpara dhe gjatë ndeshjes, tifozët e “Djajve të Kuq” organizuan homazhe për 23 viktimat që vdiqën në aeroportin e Mynihut në ish-Gjermaninë Perëndimore në 6 shkurt të 1958. Data e sotme lidhet me ndeshjen e fundit në Angli që ekipi i ish-teknikut Met Besbi luajti përpara se të udhëtonte në Beograd për të luajtur kundër Yllit të Kuq të Beogradit për Kupën Europiane (Liga e Kampioneve).
Në minutën e 58-ë të takimit, i gjithë stadiumi duartrokiti viktimat e Mynihut. Mes 23 personave në bordin e avionit që transportonte skuadrën e Mançester Junajtid, vdiqn 8 futbollistë dhe 3 zyrtarë të klubit. Në tribunën anësore të “Old Traffordit” u shpalos një banderolë me sloganin: “Ne nuk vdesim kurrë!”
Në 6 shkurt të 1958, avioni “Airspeed Ambassador” shpërtheu në flakë teksa po tentonte të nisej nga aeroporti i Mynihut.
