Mbrëmjen e sotme, e gjithë vëmendja e Botës së futbollit do të jetë e përqendruar në “San Siro”, aty ku luhet Derbi i Madoninës mes Interit dhe Milanit.
Një derbi që duket se do të thyejë çdo rekord sa i përket përballjeve të tjera Inter-Milan. Stadiumi është shpallur që ditën e djeshme “sold out” dhe nuk do të ketë asnjë vend bosh. Plot 5.5 milionë përfitime nga biletat në arkat e Interit (rekord për Inter-Milan). Mbi 75 mijë të pranishëm do të jenë sot në stadium. Në mbrëmje, fjalën do ta ketë fusha, ku dy ekipet pritet të dhurojnë spektakël.
