Mjafton që Messi të jetë në ditën më të mirë dhe Barcelona mund të mposhtë me lehtësi çdo ekip. Argjentinasi është një fenomen i lindur dhe arriti të realizojë 4 gola në fitoren 5-0 të skuadrës së tij ndaj Eibarit në Camp Nou.
Më i miri i botës e hapi serinë e golave që në minutën e 14′. Ai mori me radhë 5 lojtarë të Eibarit dhe realizoi mjaft bukur. Brenda pjesës së parë kompletoi dhe hat-trickun personal, pasi në të 37′ nuk gaboi pas një pasimi të Vidalit.
Goli i tretë ishte i çuditshëm, pasi argjentinasi pasoi për Griezmann, donte t’i jepte mundësinë për të shënuar, por francezi gaboi dhe topi i kthyer nuk u gabua nga Messi. Barcelona vazhdoi me ritëm të lartë dhe në pjesën e dytë.
Camp Nou pa dhe debutimin e sulmuesit të ri Martin Braithwaite. Ky i fundit asistoi për argjentinasin në golin e katërt të tij, ndërsa në fund pati vend dhe për një gol fantastik nga Arthur. Mesfushori i vuri kapak ndeshjes me 5-0. Barcelona parakalon Realin në vendin e parë në kampionat me dy pikë më tepër, në pritje të ndeshjes së “Los Blancos”.
