Cristiano Ronaldo ka dhënë një mesazh ditën e sotme në lidhje me situatën që po kalon e gjithë Bota për shkak të pandemisë së Coronavirusit.
Portugezi ka postuar një foto në llogarinë e tij në “Tëitter”, ku ka dalë me fëmijët e tij. Në shkrimin e fotos, CR7 shkruan se të gjithë duhet të jemi mirënjohës pavarësisht çdo gjëje.
“Në këto momente të vështirë për të gjithë Botën, le të jemi mirënjohës pavarësisht çdo gjëje, për shëndetin tonë, për familjen, dhe për të afërmit tanë. Qëndroni në shtëpi dhe le të ndihmojmë të gjithë sadopak mjekët e infermierët në luftën e tyre për të na shpëtuar jetën.”
