Mattia Binotto, drejtori sportiv i Ferrarit, ka folur sot në lidhje me situatën e krijuar në Formula 1 pas rrezikut prej coronavirus. Sezoni 2020 në Formula 1 nuk ka nisur ende dhe situata është e paqartë edhe për të ardhmen.
Mjaft gara janë anulluar apo shtyrë dhe për momentin, gara e parë sezonale, duket ajo e 14 qershorit, në Kanada. Gjithsesi, asgjë nuk është ende e sigurt.
Ditët e fundit ka qarkulluar lajmi se sezoni 2020 mund të mbyllet përtej 31 dhjetorit. “Ne jemi të gatshëm ta përfundojmë këtë sezon edhe në janar. I kemi dhënë Liberty liri totale për të vendosur për kalendarin. Në Australi ne nuk do të kishim garuar sido që të vendosnin ata”, tha Binotto.