Në debutimin e tyre në Serinë A, tetë të parat e turneut të kaluar fituan të gjitha.
Kampionati la të kuptohej menjëherë se sa do të peshojnë përballjet e drejtpërdrejta. Milani u shpall kampion i Italisë, edhe sepse grumbulloi më shumë pikë (21) në kryqëzimin me gjashtë të parat. Atalanta, për shembull, vetëm 11 pikë.
Për këtë arsye, meriton shumë vëmendje ndeshja e së dielës Atalanta-Milan, e cila nis sfidat yjore të kësaj Serie A, por nuk vlen vetëm për këtë.
Në orën 20:45 do të përballen dy trutë taktikë më të mirë të turneut. Xhian Piero Gasperini e ka treguar këtë në 6 vitet e fundit duke shpikur një futboll të ri që ka shërbyer si model për shumë ekipe, madje edhe jashtë Italisë.
Stefano Pioli e dëshmoi përfundimisht në Serinë A të vitit të kaluar, jo vetëm në ndërtimin dhe menaxhimin e Milanit të tij befasues, por edhe në specifikat e ndeshjeve.
Asnjë trajner nuk ka dhënë ndjenjën se mund të fitojë ndeshje në dërrasën e zezë si Pioli. Mendoni se si i paketoi dy herë Mourinjon dhe një herë Spaletin në Napoli në një sfidë kyçe.
Këtu nuk duhen harruar edhe “shakatë” pa kripë ndaj Gasperinit. Takimet e fundit Atalanta-Milan nuk kanë qenë kurrë banale dhe kanë shënuar, në njëfarë mënyre, historinë e të dyja klubeve.
LABORATORËT – Gasperini, instinktiv, ka themelet e tij; Pioli, i zhytur në mendime, i lëkund ato. Gaspinin nuk e pëlqejnë të gjithë, Pioli është më transversal.
Vështirë se mund të ketë një përplasje me lojtarët e tij si ajo e teknikut bergamask me Papu Gomezin. Personazhe të ndryshëm, por i njëjti brumë taktik, sepse kanë pasur të bëjnë me të njëjtat situata.
Një stazh i gjatë dhe pasioni që i shtyn të studiojnë dhe gjithmonë të rinovojnë. Ata janë trajnerë laboratori, të dashuruar pas lojës.
Në këto orë që i ndajnë nga ndeshja e së dielës mbrëma mund t’i imagjinojmë në qendrat stërvitore respektive duke tentuar eksperimente në mënyrë që të dielën t’i vendosin në praktike.
Ashtu sikur Gasperini, në 5-0 e dy viteve më parë, paraqiti një ekip pa pykë (vetëm Iliçiç) dhe Milani u shkatërrua pa gjetur pika referimi ose kur Pioli centralizoi garën e Teos për të ndarë Atalantën në dysh.
Do ta shihni që të dielën, taktikisht, do të shohim disa strategji të bukura. Pankina e parafundit “e artë” kundër asaj të radhës. Dueli premton shumë.