Lacio po konsideron sërish mundësinë për të sjellë në merkaton e janarit sulmuesin e Kosovës Vedat Muriqi.
“Corriere dello Sport” shkruan se klubi bardhekaltër ka përcaktuar se në rast se nuk arrijnë të afrojnë sulmuesin e Çelsit dhe Francës Oliver Zhiru, të cilit i skadon kontrata me “Blutë”, atëherë do të nisin lëvizjet për të finalizuar operacionin “Muriqi”.
Vlera e kartonit të tij shkon mbi 30 milionë € dhe falë 15 golave të shënuar deri tani me Fenerbahçen, drejtuesit e Lacios e çmojnë si të rëndësishëm 25-vjeçarin Muriqi.
Kujtojmë që Leiçesteri konsiderohet si më i avantazhuari për të blerë bomberin e Kosovës.
