Mesfushori Mesut Ozil, konfirmoi dy vite më parë se është tërhequr nga kombëtarja e Gjermanisë, pasi këta të fundit nuk kanë treguar respekt ndaj tij.
Futbollisti i Arsenalit është kritikuar nga krerët e Federatës Gjermane të Futbollit pas takimit me presidentin e Turqisë, Rexhep Taip Erdogan, ndërsa ishte fishkëllyer edhe nga tifozët gjatë stërvitjeve para Kampionatit Botëror, ‘Rusi 2018’. Ozil tani është rikthyer të flas edhe një herë rreth asaj çështje, teksa shprehet i penduar që zgjodhi të përfaqësonte Gjermaninë.
”Gabimi më i madh në karrierë ka qenë që nuk luajta për kombëtaren time të Turqisë. Tani e kam kuptuar se suksesi më i madh në jetë është të luash për kombin tënd, se sa të fitosh Botërorin me një kombëtare tjetër e cila të shfrytëzon vetëm atëherë kur iu duhesh”, tha ai.
Gjatë karrierës me Gjermaninë, Ozil ka regjistruar 92 paraqitje dhe ishte pjesë e skuadrës që e fitoi Kampionatin Botëror në vitin 2014.