Federata Kineze e Futbollit lajmëroi ditën e sotme se ylli i kombëtares dhe ekipit të Espanyolit, Wu Lei, është prekur nga koronavirusi. Futbollisti i klubit spanjoll ka dalë pozitiv dhe madje ka folur në lidhje me situatën e tij.
“Jam në shtëpi dhe kam nisur që tani karantinën. Psikologjikisht jam i mirë, i fortë dhe simptomat e mia thuajse janë zhdukur të gjitha”.
Një lajm i mirë nga futbollisti kinez, pasi ky i fundit duket se do ta kalojë shpejt virusin. Spanja është shteti i dytë më i goditur në Europë pas Italisë. Numri i viktimave momentalisht është 1378 persona.
