Jurgen Klopp njihet për karakterin e tij të veçantë dhe shpesh përbën lajm edhe kur është temë jashtë futbollit. Së fundmi, tekniku gjerman është pyetur nga një gazetar në lidhje me Coronavirusin dhe reagimi i Klopp ka qenë goxha i ashpër.
Trajneri i Liverpool është shprehur se ai nuk mund të flasë për diçka që nuk e di dhe nuk është ekspert. Sipas tij, as njerëzit e tjerë të famshëm nuk duhet të flasin, pasi është diçka serioze që duhet të merren vetëm ekspertët.
“Nuk e kuptoj gjithë këtë gjë, nuk di ndonjë gjë në lidhje me Coronavirusin. Pse më pyesni mua? Unë thjesht mbaj një kapele dhe mjekër. Njerëzit e famshëm nuk duhet të flasin për një gjë kaq serioze. Lërjani në dorë ekspertëve këtë punë”, përfundoi Klopp.