Sulmuesi i Espanyol, Wu Lei, u testua dhe rezultoi pozitiv me “Coronavirus”. 28-vjeçari ka simptoma të buta dhe po trajtohet në izolim, në shtëpinë e tij në Barcelonë. Me mbërritjen tek Espanyol (skuadra e vendit të fundit në La Liga), sezonin e kaluar, Wu Lei ka shënuar 7 gola në 38 ndeshje, përfshirë golin e barazimit 2-2, në minutën e 88-të, në derbin me Barcelonën, më 4 janar, në “RCde Stadium”.
Ai është, gjithashtu, mbajtësi i rekordeve të ndeshjeve të luajtura (296) dhe golave (151) te Shanghai Sipg. Po ashtu, mban rekordin e lojtarit më të ri, që ka debutuar në futbollin profesional kinez, vetëm 14 vjeç e 287 ditë. Të mërkurën, klubi nga Barcelona njoftoi edhe gjashtë anëtarë pozitivë të ekipit të pare, midis lojtarëve dhe stafit stërvitor, me COVID-19.