Koronavirusi ka prekur prej kohësh edhe Spanjën dhe në këtë gjendje emergjence totale në gjithë kontinentin e vjetër, shumë kampionate po mbyllin dyert, të tjerë madje po mbyllin aktivitetin, si në Itali apo Zvicër.
Sipas asaj që shkruan “Marca”, Liga spanjolle i ka komunikuar klubeve të La Liga dhe Segunda Division, pra kampionati elitar dhe kategoria e parë, se dy javët e ardhshme në program (Java 28-29 në La Liga dhe Java 32-33 në Segunda) do të luhen me dyer të mbyllura, pra pa tifozë! Skuadra që do të jetë më shumë e penalizuar në një farë mënyre është Real Madrid, që dy javët e ardhshme do t’i luajë brenda fushe, ndaj Eibar dhe Valencia.
