Valencia është një nga klubet e futbollit më të prekur nga Coronavirus. Në skuadrën spanjolle mes lojtarëv dhe stafit, 35% e saj ka rezultuar pozitive me virusin Covid-19. Vetë klubi ka zyrtarizuar këtë shifër, teksa nuk ka zbuluar emrat e të prekurve. Gjithsesi, në njoftimin shpërndarë për mediat del një detaj shokues.
“Kjo është prova e radhës se ky virus përhapet me shpejtësi. Po ashtu konfirmon se popullata duhet të qëndrojë në shtëpi dhe të ndjekë me përpikmëri të gjitha masat e autoriteteve sanitare. Pavarësisht masav të ashpra të marra nga klubi për ndeshjen e 19 shkurtiut në Milano për Champions League, rezultatet e fundit tregojnë se rreth 35% e skuadrës është pozitive”, lexohet në njoftimin e Valencia.
(Balkanweb)
