La Liga është vetëm një telefonatë larg mbylljes, siç njofton “Marca” dhe gazetat e tjera prestigjoze spanjolle! Emergjencë totale në Spanjë, pasi rastet me koronavirus po shtohen dhe tashmë vetëm “blindimi” i stadiumeve, pra izolimi pa tifozë, mund të mos mjaftojë. Një mbledhje e jashtëzakonshme që po zhvillohet tani në Spanjë mes përfaqësuesve të qeverisë dhe shëndetësisë dhe krerëve të futbollit mund të prodhojë vendimin drastik për të mbyllur futbollin për dy javët e ardhshme. Priten azhornime dhe vendimi mund të futet në fuqi menjëherë, që për javën e ardhshme dhe në vazhdim. Vendimi i momentit i zyrtarizuar është që luhet pa tifozë në dy javët e ardhshme në La Liga dhe në Segunda Division.
