Ralf Rangnick, i lindur më 1958, ish-trajner i Hoffenheim, Schalke 04 dhe RB Lepzig, menaxher aktual i zonës sportive të grupit “Red Bull”, është kontaktuar nga Milani në funksion të sezonit tjetër, 2020-2021, për të të marrë rolin e dyfishtë kuqezi; të trajnerit dhe drejtorit sportiv. Një marrëveshje që, nga shumë burime mediatike, dukej se ishte në rrugën e duhur. Megjithatë, sot, kolegët e “Sky Sport Deutschland” kanë sqaruar se Rangnick me siguri nuk do të bëhet trajner i kuqezinjve.
“Javët e fundit, zërat flasin për një marrëveshje të gjerë midis Rangnick dhe “Elliott Management Corporation”. Sidoqoftë, me sa duket, Rangnick është i prirur të mos e pranojë propozimin e “Djallit”. Në këtë pikë, Stefano Pioli, trajneri aktual i Milanit, do të mbetet në lojë për ta udhëhequr skuadrën e njohur italiane edhe sezonin e ardhshëm.