Planet për të braktisur fazën përgatitore të klubeve europiane në Azi mbeten në fuqi për shkak të shpërthimit të Koronavirusit. “Reds”-at po shqyrtojnë mundësinë për të qëndruar në Europë për herë të parë në një dekadë nga frika e Covid-19.
Këtë sezon ata ishin përgatitur për ta zhvilluar turin e tyre në Kinë, ndërsa në dy vitet e fundit kanë udhëtuar drejt SHBA-së. Udhëtimi i fundit i kryesuesve të Premier Ligës në Azi ishte në vitin 2017, kur ata morën pjesën në turneun e Premier Ligës Aziatike në Hong Kong.
Sipas “The Athletic”, lajmi i pezullimit të udhëtimit të skuadrës në Kinë gjatë verës është mirëpritur nga trajneri Jyrgen Klop, i cili u ka komunikuar pronarëve shumë muaj më parë se preferon që fazën përgatitore ta zhvillojë në një vend të Europës.
Tekniku gjerman dëshiron që ta reduktojë numrin udhëtimeve të gjata dhe të lodhshme të skuadrës së tij dhe mendon se një fazë përgatitore më pranë shtëpisë, do t’i jepte skuadrës shanse më të mira në luftën sportive gjatë edicionit të ardhshëm.
Ai është gjithashtu i shqetësuar për gjendjen në të cilën do të rikthehen shumë lojtarë nga Europiani (ende ka pasiguri nëse do të zhvillohet në datën e paracaktuar), por edhe Kupa e Amerikës.
