Hertha e Berlinit ka pranuar fakin se një prej lojtarëve të skuadrës së parë ka rezultuar pozitiv me Coronavirus e për rrjedhojë është izoluar e gjitha skuadra, e cila do të kthehej pikërisht sot në stërvitje pas tri ditësh punë indivduale.
“Me rritjen e shpejtë të numrit të rasteve, ishte e parashikueshme që, herët a vonë, virusi do të arrinte në ekip. Gjëja më e rëndësishme është që tani të gjithë t’i respektojnë rregullat.
Ne duhet ta pranojmë situatën ashtu siç është tani “, – rrëfeu Michael Preetz, drejtori i përgjithshëm i Herthas, i cili konfirmoi se të gjithë futbollistët profesionistë tani do të qëndrojnë në karantinë për 14 ditë.
Sipas “Bild”’, Maximilian Mittelstädt, mbrojtës 22-vjeçar, i cili është formuar në skuadrat zinxhir të Herthas, është futbollisti i infektuar nga Covid-19 në klubin e Berlinit.
Ai nuk është i pari në Bundesligë, pasi Luca Kilian (Paderborn) gjithashtu rezultoi pozitiv.
