Koronavirusi është përhapur me shpejtësi në të gjithë botën dhe paniku te njerëzit që tashmë janë izoluar në shtëpi është shumë i madh.
Për këtë situatë ka folur edhe mesfushori i Milanit, Lukas Bilja, i cili shprehet se në Itali ky virus keq u nënvlerësua dhe tani të sëmurët po lihen mënjanë. “Unë më mirë preferoj të humbas futbollin sesa jetën time. Futbolli është një sport ku ka shumë interesa, por tani ka përparësi të tjera. Lojtarët duhet të ngrenë zërin dhe të thonë se futbolli duhet të ndalet.
Italia? Këtu jo që vetëm e nënvlerësuan, por nuk ndoqën as rregullat. Ne tani jemi në një kolaps, ku mjekët punojnë pa pushim dhe pa u lodhur.
Jo vetëm që vdesin njerëzit me virusin, por vdesin edhe të tjerët që kanë një sëmundje tjetër, pasi nuk kanë kujdesin e duhur. Për shkak të koronavirusit njerëzit e tjerë lihen mënjanë.”, u shpreh Bilja.
