Pas lajmit zyrtar se ndeshja e vlefshme për playoff të Nations League mes Maqedonisë së Veriut dhe Kosovës do të luhej pa tifozë në stadiumin ndërkombëtar të Shkupit, “Todor Proeski”, menjëherë Federata e Futbollit të Maqedonisë së Veriut ka njoftuar me një shkresë krerët e UEFA-s se nuk është dakord ta luajë pa tifozë, duke propozuar shtyrjen e ndeshjes.
Kjo shtyrje kërkohet për shkak se futbollistët maqedonas si Pandev, Elmas dhe Nestorovski (luajnë në Itali) pas ardhjes në Shkup duhet të qëndrojnë dy javë në karantinë dhe pa stërvitje do ta prisnin ndeshjen me Kosovën. Në Itali luajnë edhe futbollistët e Kosovës si Amir Rrahmani e Samir Ujkani.