Coronavirusi nuk po di të ndalet dhe ka pushtuar Italinë, ku ka shkaktuar 233 të vdekur dhe mbi 5000 të prekur. Vendi është i gjithi në alarm dhe futbolli, normalisht ka kaluar në plan të dytë. Ndeshjet do të luhen të gjitha pa tifozë, ndërsa një alarm tjetër është shkaktuar nga klubi i Novarës.
Në një komunikatë zyrtare, klubi ka njoftuar se presidenti Maurizio Rullo ka rezultuar pozitiv me COVID-19. Pra, numri një i klubit të Novarës është me Coronavirus.
Në komunikatën e publikuar, klubi italian i ka uruar shërim të shpejtë presidentit të saj, si dhe ka shpjeguar se do të vijojë garën normalisht, pasi diçka të tillë kërkon edhe Maurizio Rullo.
