Cristiano Ronaldo edhe një herë u është drejtuar përkrahësve të vet, duke iu bërë thirrje të qëndrojnë nëpër shtëpitë e veta, duke e theksuar rëndësinë e qëndrimit brenda në luftë për parandalimin e përhapjes së pandemisë koronavirus.
Sportet, përfshirë futbolli, në gjithë botën janë pezulluar momentalisht, për shkak të përhapjes së shpejtë të Covid-19, i cili iu ka marrë jetën më shumë se 13 mijë personave në mbarë globin deri tani.
Ylli i Juventusit dhe Portugalisë Ronaldo, i cili edhe vetë është në karantinë, ka bërë thirrje që të gjithë të qëndrojnë brenda, në luftë për ta mposhtur këtë sëmundje ngjitëse.
Mesazhi i Ronaldo është shumë i rëndësishëm, duke qenë se ai i ka mbi 200 milionë ndjekës në Instagram, mbi 120 milionë në Facebook dhe mbi 80 milionë në Twitter.
“Nëse kemi ëndërruar ndonjëherë të luani për miliona njerëz përreth botës, atëherë tani e kemi mundësinë. Luani brenda, luani për botën”, shkroi Ronaldo në rrjetet sociale. /Gazeta Express/
If you ever dreamed of playing for millions around the world, now is your chance. Play inside, play for the world.#staysafe #playinside #playfortheworld pic.twitter.com/Ie5i9BjzEM
— Cristiano Ronaldo (@Cristiano) March 21, 2020
